Miss ko na ‘yung dating ako. Pero hindi ko na babalikan, kasi ayoko na nung dating ako.
Namimiss ko ‘yung dating ako. Pwedeng sumama sa kahit kaninong babae. Haha okay, pinipilit ko namang magbait ah. Pero bawal pa rin. Lalo pa nga akong nagmukhang masama para sa parents mo eh.
Ang daya mo. Kayang kaya kong ipagpalit ang buong mundo para sa’yo (kahit pa ano ‘yan) pero ikaw, hindi mo ako kayang ipaglaban sa kanila. Pero maayos na rin sa’kin ‘yung kahit pinagbabawalan kang makasama ako, nakakasama pa rin kita.
Miss ko na ‘yung mga malalambing na text na kahit 5AM ako talagang gumigising, nararanasan kong makabasa ng kahit sobrang ikling sweet na text message. ‘Yung hindi nahihiyang makipagkulitan kasama ko sa daan.
Masaya siguro talaga dati kasi kapag ayaw ko na, madali sa’kin ang umayaw. Pero bakit nahihirapan akong umayaw kahit pumapasok sa isip kong ayaw ko na.
Ikaw pa lang kasi siguro ang minahal ko ng totoo. Kahit ang daming pagkakataon na magkaroon ako ng kasintahan, hindi ko kinuha. At ngayon namang gusto ko na, at more than ready na ako, tsaka naman bawal.
Ang daya. Haha.